ജനറൽ നഴ്സിംഗ് ആന്റ് മിഡ്വൈഫറി (GNM)യും ഓക്സിലറി നഴ്സിംഗ് ആന്റ് മിഡ്വൈഫറി (ANM)യും പ്രവേശനത്തിന് അപേക്ഷ ക്ഷണിച്ചു
ആരോഗ്യ വകുപ്പ് ഡയറക്ടറേറ്റിന്റെയും മെഡിക്കൽ എഡ്യൂക്കേഷൻ ഡയറക്ടറേറ്റിന്റെയും കീഴിലുള്ള സ്ഥാപനങ്ങളിൽ നടത്തുന്ന ഡിപ്ലോമ ഇൻ ജനറൽ നഴ്സിംഗ് ആന്റ് മിഡ്വൈഫറി (GNM) കോഴ്സിലേക്കും ആരോഗ്യ വകുപ്പിന് കീഴിലുള്ള സ്ഥാപനങ്ങളിൽ നടത്തുന്ന ഓക്സിലറി നഴ്സിംഗ് ആന്റ് മിഡ്വൈഫറി (ANM) കോഴ്സിലേക്കും അപേക്ഷ ക്ഷണിച്ചിരിക്കുന്നു.
2025 ആഗസ്റ്റ് 5 മുതൽ 20 വരെ www.lbscentre.kerala.gov.in വഴി ഓൺലൈൻ ആയി അപേക്ഷ സമർപ്പിക്കണം. ഇരു കോഴ്സുകൾക്കും ഒരുമിച്ചുള്ള അപേക്ഷ മതിയാകും. അപേക്ഷിക്കുന്ന സമയത്ത് ആവശ്യമായ കോഴ്സുകൾ തിരഞ്ഞെടുക്കാം.
അപേക്ഷാഫീസ് പൊതുവിഭാഗത്തിനുള്ളത്: GNM മാത്രം 400 രൂപ, GNM-യും ANM-ും കൂടി 600 രൂപ, ANM മാത്രം 300 രൂപ. പട്ടികജാതി പട്ടികവർഗ വിഭാഗത്തിനുള്ളത്: GNM മാത്രം 200 രൂപ, GNM-യും ANM-ും കൂടി 300 രൂപ, ANM മാത്രം 150 രൂപ. ഫീസ് ഓൺലൈനായോ അല്ലെങ്കിൽ വെബ്സൈറ്റിൽ നിന്നു ചെല്ലാൻ ഡൗൺലോഡ് ചെയ്ത് ഫെഡറൽ ബാങ്കിന്റെ ഏതെങ്കിലും ശാഖയിൽ വഴിയോ അടയ്ക്കാം. അപേക്ഷ സമർപ്പിക്കുമ്പോൾ ബന്ധപ്പെട്ട രേഖകൾ ഓൺലൈനായി അപ്ലോഡ് ചെയ്യണം.
GNM കോഴ്സിന് അർഹത: കേരള ഹയർസെക്കണ്ടറി ബോർഡോ തത്തുല്യമായ പരീക്ഷകളോ 40 ശതമാനം മാർക്കോടെ പാസ്സായിരിക്കണം. ഫിസിക്സ്, കെമിസ്ട്രി, ബയോളജി ഓപ്ഷണൽ വിഷയങ്ങളായും ഇംഗ്ലീഷ് നിർബന്ധമായും ഉണ്ടായിരിക്കണം. ഇതിന് സാധ്യമല്ലെങ്കിൽ മറ്റ് സ്ട്രീമുകളിൽ നിന്നുള്ള ഹയർസെക്കണ്ടറി പാസ്സായ വിദ്യാർത്ഥികളെയും പരിഗണിക്കും.
ANM കോഴ്സിന് അർഹത: ഹയർസെക്കണ്ടറി പരീക്ഷയോ തത്തുല്യമായ പരീക്ഷയോ പാസ്സായിരിക്കണം, കൂടാതെ മലയാളം വായിക്കാനും എഴുതാനും കഴിയണം.
പ്രോസ്പെക്ടസ് www.lbscentre.kerala.gov.in ൽ നിന്നും ഡൗൺലോഡ് ചെയ്യാവുന്നതാണ്. കൂടുതൽ വിവരങ്ങൾക്ക് ഫോൺ നമ്പർ 0471 2560361, 2560362, 2560363, 2560364.
Share
